Është organizuar në qytetin e Gjirokastrës, edicioni i 6-të i Ani Fest A-Gjiro, Festivali i Filmit Ndërkombëtar Europian për Fëmijë. Ky organizim i Bashkisë Gjirokastër, në bashkëpunim me Maku Production, solli në ekranin e kinemasë për spektatorët e vegjël, filma cilësore të kinematografisë europiane për fëmijë. Anifest A-Gjiro zgjati tre ditë dhe ishte një aktivitet tërheqës për fëmijët, ndërsa filmat e transmetuar përcollën vlera argëtuese dhe edukative. Juria e festivalit akordoi edhe vlerësime për filmat pjesëmarrës.
