Kryetari i Bashkisë Flamur Golemi : Rikualifikim urban i hapësirës përreth stadiumit “Gjirokastra”
Kemi hapur një kantier tjetër në qytet. Hapësira përreth stadiumit “Gjirokastra” do të rikualifikohet, për t’u shndërruar në një tjetër zonë atraktive për biznesin dhe banorët e lagjes “18 Shtatori”. Me përfundimin e këtij investimi pamjet e deritanishme të kësaj hapësire do të jenë thjesht një kartolinë e së shkuarës. Nuk është në vëmendjen tonë vetëm zona muzeale, e cila pas investimeve që bëmë tashmë po zhvillohet vetë, por edhe pjesa urbane e qytetit ku banojnë shumë njerëz dhe kanë aktivitet qindra biznese.
