Përgjatë një mbrëmjeje poetike u promovua libri i shkrimtarit të mirënjohur Odise Kote “Pengje të gurëve”. Krijimet që përfshihen në këtë përmbledhje me poezi përcjellin emocione për lexuesit, ndërkohë që motivi mbizotërues i tyre është simbolika e gurit, si vlerë e Gjirokastrës.Tradita dhe historitë njërëzore të vetë qytetit, përthyhen në shpirtin krijues të poetit, duke krijuar mbresa dhe ndjesi të veçanta tek lexuesi. Ky libër ka një vend të spikatur në krijimtarinë letrare të Odise Kotes për lidhjen e veçantë me qytetin dhe njerëzit e tij.
