Qytetarët që kanë depozituar kërkesën dhe formularin tip duhet të dorëzojnë pranë Drejtorisë së Shërbimeve Sociale, dokumentet e mëposhtme
Afati i dorëzimit 25 – 31 janar 2022
Lista e dokumentacionit të nevojshëm:
Për të dhënat personale:
· Çertifikata e lindjes së aplikantit
Për vërtetimin e kushteve të banimit:
· Vërtetimin nga Zyra e Regjistrimit të Pasurive të Paluajtshme për pronat që disponohen në emër të secilit anëtar të familjes (aplikimi te ADISA)
· Vërtetimin nga Zyra e Regjistrimit të Pasurive të Paluajtshme për sipërfaqen e pronës, që zotëron familja apo ndonjë anëtar i saj, kur banesa është me sipërfaqe nën normat në fuqi të strehimit
· Vërtetimin nga Zyra e Regjistrimit të Pasurive të Paluajtshme të vendit të origjinës se nuk figuron e rregjistruar asnjë pronë, e cila mund të përdoret për strehim, për çdo anëtar të familjes, që kanë ndryshuar vendbanim për efekt punësimi
Akt verifikimi nga Bashkia për:
· Banesat në rrezik shembjeje
· Rastet kur familja ka mbetur e pastrehë, si rezultat i fatkeqësive natyrore
· Banesat që prishen ose përjashtohen nga procesi i legalizimit
· Vendim i gjykatës për familjet që humbasin banesën për shkak të zbatimit të vendimit të gjykatës
· Akt verifikimi nga struktura përgjegjëse e bashkisë për familjet rome/egjiptiane që banojnë në banesa individuale ose struktura, që nuk klasifikohen si banesë
Për vërtetimin e kushteve familjare:
Vendimin e Gjykatës, që i lë në ngarkim fëmijën ose fëmijët për çiftet e divorcuara, shoqëruar me vërtetimin nga Zyra e Përmbarimit për masën e pensionit që përfitojnë për fëmijët
Për vërtetimin e kushteve sociale:
· Vërtetimin e Komisionit Mjekësor të Përcaktimit të Aftësisë së Kufizuar, për individë me aftësi të kufizuara (aplikim te ADISA)
· Vërtetimin përkatës nga institucioni ku ka qenë i strehuar dhe librezën e jetimit, dhënë nga institucioni shtetëror i autorizuar, për individët me statusin e jetimit
· Dokument që vërteton që ka mbetur pastrehë si rezultat i lirimit të banesave, ish pronë e subjekteve të të shpronësuar
· Dokumentin e lëshuar nga institucionet përkatëse shtetërore për personat që kanë statusin “emigrant”, “punëtor emigrant” dhe “azilkërkues”
Emigrant dhe punëtor emigrant: – Vërtetim nga sportelet e migracionit të Ministrisë së Shëndetësisë dhe Çështjeve Sociale – Vërtetim nga Zyra e Shërbimit Kombëtar ose vërtetim i marrë pranës Zyrës së Punës. Azilkërkues – Vërtetim nga Drejtoria për Shtetësinë dhe Refugjatët në Ministrinë e Brendshme
· Dokumentin e lëshuar nga institucionet përkatëse shtetërore për familjet e punonjësve të rënë në detyrë, që u përkasin Policisë së Shtetit, Gardës së Republikës, Shërbimit për Cështjet e Brendshme dhe Ankesat në Ministrinë e Brendshme, Shërbimit të Mbrojtjes nga Zjarri dhe Shpëtimit, të Forcave të Armatosura, të Shërbimit Informativë të Shtetit dhe të Policisë së Burgjeve
· Vërtetim nga Policia e Shtetit
· Vërtetim nga Garda e Republikës
· Vërtetim nga Shërbimi i Kontrollit të Brendshëm
· Vërtetim nga Policia e Mbrojtjes nga Zjarri dhe të Shpëtimit
· Vërtetim nga Forcat e Armatosura
· Urdhër mbrojtje apo urdhër i menjëhershëm i mbrojtjes për viktimat e dhunës në familje, lëshuar nga gjykata
· Vërtetim të marrë nga Qendra Kombëtare e Shërbimit të Përkujdesit Shoqëror për viktimat e dhunës në familje
· Vërtetim nga strukturat e shërbimit social, qendrave sociale dhe të rehabilitimit për viktimat e dhunës pranë njësive të qeverisjes vendore
· Dokument i lëshuar nga institucionet përkatëse për të miturit në konflikt me ligjin
· Vetëdeklarim se i përket komuniteteve rom/egjiptian dhe grupimit LGBTI
· Vërtetim me çertifikatë familjare se individi i përket kategorisë vajzë-nënë
Për vertetimin e kushteve ekonomike:
· Vërtetim i të ardhurave neto të familjes ose një deklaratë me shkrim nga aplikuesi për të ardhurat e familjes dhe burimin e tyre, të cilave duhet t`i bashkëlidhen dokumente zyrtare që e vërtetojnë atë, përfshirë vërtetimin nga punëdhënësi për pozicionin dhe pagën e aplikantit e të personave të tjerë të familjes, që janë në marrëdhënie pune
· Vërtetim nga Drejtoria Rajonale Tatimore dhe e Sigurimeve Shoqërore për derdhjen e kontributeve për të gjithë anëtarët e e vetëpunësuar të familjes (shkarkohet në E-Albania)
· Vërtetimin nga Zyra e Ndihmës Ekonomike e bashkisë për anëtarët e familjes, të përfshirë në programin e ndihmës ekonomike dhe të pagesës për personat me aftësi të kufizuar (Aplikim te ADISA)
· Vërtetimin nga Zyra e Punësimit për personat e përfshirë në programin e pagesës së papunësisë
· Vërtetimin nga organet e sigurimeve shoqërore për personat në pension
